الزلابيا او المشبك ...

الزلابيا او المشبك ... واكيد بالصور


حنا بالكويت نسميها الزلابيا ودول الخليج اضن تسميها بنفس المسمى لكن الدول الاخرى تسميها المشبك

ونحبها اكثر شي في رمضان او بالعيد

وهي من الحلويات الكويتيه القدييييييييييمه

وطعمها لذيذ ومقررررررررررررررمشه (وطعمها مثل القيمات تقريبا )

وانا سويتها لكم وان شاء الله تعجبكم وطريقتها جدا سهله ومقاديرها متوفره

وكنت ابي اصور لكم خطواتها لكن للاسسسسسسسسسسسسسسف لحقت على صوره وحده للعجينه ومو واضحه كثير لان الشحن خلص علي


المقادير :

2 كاس طحين ابيض

4 م كبيره زيت

1 وثلاث ارباع كاس ماء دافي

1 م ك خميره

م ص سكر

1 م صغيره ماء زهر

هيل وزعفران

وقليل من الصبغه وطبعا اللون على رغبتك ممكن برتقالي او اصفر او احمر

وشيره

وزيت للقلي



الطريقه :

تخلط المواد الجافه مع بعض ثم نضيف الزيت والماء وتعجن جيدا

تترك العجينه حتى تخمر (انا خليتها لمدة ساعه )

توضع في كيس الكريمه وتشكل على شكل خيوط دائريه في زيت غزير على نار متوسطه

تغمس في الشيره البارده ثم تصفى وتقدم








ولونها على الطبيعه وايد احلى فااااااااقع والطعم لذيذ جدااااااااا كانها من السوق

والكاس هو كاس جبن بوك العادي 240 غ

وعليكم بالعافيه



اهني رسمتها لكم اشلون نصبها بالزيت